ईमोचुङ, २३ जेष्ठ ।
उदयपुरमा भएको दुर्घटनामा मृत्यु हुने दुवै जनाको पहिचान खुलेको छ । मंगलबार गाईघाट बजारबाट पूर्व तर्फ जादै गरेको मोटरसाईकल त्रियुगा नगरपालिका १ स्थित फुलजोरमा टिपरले ठक्कर दिँदा मोटरसाईकल चालक र पछाडी सवार दुवैजनाको ज्यान गएको हो । ज्यान जानेमा बेलका नगरपालिका १ बस्ने बर्ष ३० को रबिन श्रेष्ठ रहेको छ भने पछाडी सवार स्थाई घर लिम्चुङबुङ गाउपालिका वडा नं. ५ भए पनि कर्म घर त्रियुगा नगरपालिका वडा नं ३ को बर्ष २४ को हिरा राई रहेको जिल्ला प्रहरी कार्यालय उदयपुरले जानाएको छ ।
बेल्टारबाट गाईघाट आउँदै गरेको प्रदेश १–०२–००१ ख ८५१४ नं मिक्स गिटी बोकेको टिफरले विपरित दिसा गाईघाट देखी बेल्टार तर्फ जाँदै गरेको प्रदेश १–०२–०५२ प ३९५८ न मोटरसाईकललाई ठक्कर दिएको थियो । गम्भीर घाईते दुवैलाई उपचारको लागि जिल्ला हस्पिटल गाईघाट ल्याएकोमा हस्पिटलले मृत घोषणा गरेको थियो । दुवैजनाको शव पोष्टमार्टम गरी आफन्तहरुले बुझी आ-आफ्नो सस्कार अनुसार दाहसंस्कार गरिने आफन्तले बताए भने दुर्घटनामा संलग्न मोटरसाईकल, टिपर चालक र टिपरलाई नियन्त्रणमा लिएको छ ।