ईमोचुङ
जापानको साईतामा प्रिफेक्चरमा एक व्यक्तिलाई मसला दलेर करिब ७८ लाख येन लु’टपाट गर्ने प्रयास गरेको आरोपमा चार जना भारतीय र नेपाली नागरिकलाई प’क्राउ गरिएको छ। साईतामा प्रिफेक्चरको प्रहरीले जुन ९ मा ३१ वर्षीय भारतीय नागरिक शर्मा अमनसहित ४ जनालाई डकैती तथा चोटपटक पुर्याएको आशंकामा प’क्राउ गरेको घोषणा गरेको हो। प्रहरीले उनीहरूको स्वीकारोक्तिबारे खुलाएको छैन।
पक्राउ परेकाहरूले मार्च १४ को दिउँसो ३ः२० बजे साईतामाको योशिकावा शहरको सडकमा हिँडिरहेका एक ५२ वर्षीय हाकेन कम्पनीका अध्यक्षको अनुहारमा मसलाजस्तो पदार्थ दलेर आँखामा चोट पुर्याएको र करिब ७८ लाख येन नगद भएको झोला लुट्ने प्रयास गरेको आरोप छ। अमन अक्टोबर २०२४ देखि सोही हाकेन कम्पनीमा काम गरिरहेको बताइएको छ ।
घटना भएको दिन पीडित योशिकावा शहरमा रहेको आफ्नो कम्पनीका कर्मचारीहरूलाई तलब दिन जाँदै थिए।