ईमोचुङ
उदयपुर, माघ १६ – नेपाल लेखापढी कानून व्यवसायी एसोसिएसन इकाई कार्य समिति गाईघाट, उदयपुरको १३औं कार्य समितिको तेस्रो साधारण सभा तथा अधिवेशन आज एक औपचारिक समारोहबीच सम्पन्न भएको छ।
कार्यक्रमको उद्घाटन सत्र कर्मचारी मिलन केन्द्रमा आयोजित थियो, जसको सभापतित्व चन्द्र बहादुर साहिले गरेका थिए साथै ईकाईको सचिब नीर बहादुर राईले कार्यक्रम संचालन गर्नु भएको थियो । कार्यक्रममा पेशागत दक्षता अभिवृद्धि तथा व्यवसायिक मर्यादाका विषयमा व्यापक छलफल भएको थियो।
समारोहमा विभिन्न अतिथि तथा सरोकारवालाहरूको उपस्थिति रहेको थियो। सहभागीहरूले लेखापढी तथा कानून व्यवसायीको भूमिकालाई सशक्त बनाउन सहकार्य आवश्यक रहेकोमा जोड दिए।
कार्यक्रमका क्रममा नयाँ नेतृत्व चयनसमेत गरिएको छ। यस अधिवेशनले लेखापढी कानूनी व्यवसायीको पेशागत हकहितका लागि विभिन्न महत्वपूर्ण निर्णयहरू पारित गरेको छ।