ईमाेचुङ, बैशाख ३१ । त्रिभुवन अन्तर्राष्ट्रिय विमानस्थलबाट करिब ५ किलो सुन सहित २ भारतिय नागरिक पक्राउ परेका छन् । पक्राउ पर्नेमा ३३ वर्षका सुरेश कुमार र ३४ वर्षका मोहन कुमार गणेशन रहेका छन् ।
पक्राउ परेका सुरेश कुमार र मोहन कुमारले लगाएको टी–सर्ट, पेन्टी र जिन्स पाइन्टमा लेपन गरिएको अवस्थामा सुन बरामद भएको थियो । सुरेश कुमारबाट बरामद सुन कपडासहित २ किलो ६०० ग्राम र मोहन कुमारबाट बरामद भएको सुन कपडासहित २ किलो ५०० ग्राम रहेको काठमाडौं उपत्यका प्रहरी कार्यालयका एआईजी दीपक थापाले जानकारी दिए । आईतबार राति उनीहरुलाई गौशाला प्रहरी कार्यालयमा राखिएको र विमानस्थल भन्सार कार्यालयको जिम्मा लगाइने प्रहरीले जनाएको छ ।
फ्लाई दुबईको उडान नम्बर एफजेड ५७५ को विमानबाट आईतबार साझँ काठमाण्डौँ ओर्लिएका उनिहरुलाई भन्सारबाट पास भएर वेलकम गेट (स्वागतद्वार) नजिक प्रहरीले नियत्रणमा लिएको हो ।